На граничните премини „Богородица“ и „Табановце“ се бележи зголемено чекање за излез од државата, информира Автомотосојузот на Македонија (АМСМ) во пладневниот извештај.
На „Богородица“ се чека од 20 до 30 минути, додека на „Табановце“ времето на чекање се движи од половина час до 40 минути.
Сообраќајот на државните патишта се одвива непречено, по суви коловози, а интензитетот на сообраќај е зголемен, особено надвор од градските средини.
АМСМ апелира до возачите да ја прилагодат брзината на движење, строго да ја почитуваат сообраќајната сигнализација и да управуваат внимателно, особено на делниците каде што постои опасност од појава на одрони.
Најризични се делниците низ клисурите и речните долини, каде што се можни одрони, особено на патиштата Катланово – Велес, Маврово – Дебар – Струга, Виница – Берово и Кочани – Делчево, се наведува во соопштението на АМСМ.