Во тешка и тажна атмосфера, денес во црквата „Игреја Матриз де Гондомар“ во близина на Порто се одржа погребот на Диого Жота, ѕвездата на Ливерпул и португалската репрезентација. Илјадници луѓе, семејството, пријатели и бројни фудбалски легенди се собраа да му оддадат последна почит на португалскиот напаѓач.
Меѓу присутните беа неговата сопруга Руте Кардозо, нивните три деца, како и делегација на фудбалскиот клуб Ливерпул предводена од менаџерот Арне Слот и капитенот Вирџил ван Дајк. Од соиграчите тука беа и Ендрју Робертсон, Алексис Мак Алистер, како и поранешниот тимски колеги Џејмс Милнер и Џордан Хендерсон. Од португалската репрезентација присуствуваа селекторот Роберто Мартинез, Бернардо Силва, Рубен Дијаш и Бруно Фернандеш.
Ливерпул, во знак на почит и поддршка, целосно ќе го исплати остатокот од договорот на Жота на неговото семејство, а клубот ќе го пензионира неговиот дрес со број 20. На „Енфилд“ веќе е отворена книга на сочувство за навивачите.
Трагедијата се случи на 3 јули, кога Диого Жота (28) и неговиот помлад брат Андре Силва (25) загинаа во сообраќајна несреќа во близина на Чернадилја, Шпанија. Двајцата патувале со автомобил кон Ливерпул, каде Жота требаше да ги почне подготовките за новата сезона откако фудбалерот има мала хируршка интервенција и не смеел да лета по совет од докторите. Автомобилот „Ламборгини“ имал дефект на гумата по шти излетал од автопатот и се запалил. Несреќата се случи само две недели по свадбата на фудбалерот.
Жота ќе остане запаметен како голем фудбалер, но уште поголем човек, посветен сопруг и татко.