Деветнаесет годишна девојка од Радовиш под дејство на алкохол управувала моторно возило, предизвикала сообраќајна несреќа и побегнала од местото на настанот. Од МВР ја потврдија информацијата.
На 29.06.2025 во 06.30 часот во Радовиш полициски службеници од СВР Струмица-ОВР Радовиш ја лишиле од слобода Т.К.(19) од Радовиш. Tаа на ул. „Самоилова“ во Радовиш, управувајќи моторно возило предизвикала сообраќајна несреќа и го напуштила местото на настанот, а по преземени мерки било утврдено дека возилото го управувала под дејство на алкохол, односно дека има 2.23 промили во крвта. Т.К. е задржана во Полициската станица Радовиш, а по документирање на случајот, против неа ќе биде поднесена пријава за „безобѕирно управување со моторно возило“, велат од МВР.