Обвинителството отвори постапка за фалсификати во Чаир

Градоначалничката Данела Арсовска на својот фејсбук профил објави дека Основното јавно обвинителство Скопје ја започнало првата официјална постапка по пријава за фалсификувани документи поврзани со градби во Општина Чаир. Таа откри дека случајот се однесува на сомневања за фалсификување на документација со цел незаконска легализација на објекти и го поврза директно со градоначалникот на Чаир, Висар Ганиу.

Обвинителството постапува по првата пријава за фалсификати, а во тек се уште две постапки што се водат претходно – едната за фалсификување на целата архивска книга со броеви и барања за легализации, а другата за уште еден случај со дополнителен соучесник“, напиша Арсовска.