Има ли граѓанин што се чувствува горд денеска? Дали е гордо кога одите во маркет и ги гледате цените? праша вечерва во емисијата Топ Тема поранешниот амбасадор и градоначалник Андреј Жерновски.
Јас мислев дека Мицкоски живее во розов свет, гледам дека и пратениците на ВМРО-ДПМНЕ живеат, дека цела партија живее во розов свет.Слушнав дека овде економијата е одлична, 50 процнти од кажаното беше дека претходната власт е виновна. Но ВМРО-ДПМНЕ е една година на власт. Кога се зборува за претходните, ВМРО-ДПМНЕ индирекно признава дека нема никакви резултати, изјави Жерновски.
Лефков пак одговори дека кога ВМРО-ДПМНЕ дошла на власт странските директни инвестиции биле на најниско ниво, а сега тоа не е случај.
Со ВМРО-ДПМНЕ имаме зголемување на странските директни инвестиции и се највисоки во регионот по глава на жител. Земјата има подобрување на сите економски параметри. Не може со закочени капитални инвестиции, со закочени автопатишта да имате економски раст, истакна Лефков.