Глобалниот тренд на намалување на нуклеарното оружје се менува, а светот се движи кон нова ера на проширување на јадрените арсенали, предупредува Стокхолмскиот меѓународен институт за истражување на мирот СИПРИ.
Според нивниот годишен извештај, сите девет земји со нуклеарно оружје – вклучувајќи ги САД, Русија, Кина, Франција, Обединетото Кралство, Индија, Пакистан, Северна Кореја и Израел – модернизираат и развиваат нови арсенали.
Аналитичарот Ханс М.Кристенсен вели дека „ерата на постојано намалување е завршена“ и дека се забележува зголемување и напуштање на договорите за контрола на вооружувањето.
Иако вкупниот број на боеви глави во светот благо се намалил од 12.405 на 12.241, реално распоредените боеви глави се 3.912, од кои најмногу се во САД и Русија. Овие две земји поседуваат речиси 90% од светските нуклеарни арсенали и активно ги модернизираат своите капацитети се вели во анализата на институтот.
