Францускиот претседател Емануел Макрон ја осуди израелската блокада на хуманитарната помош за Газа, нарекувајќи ја „голем срам“, и побара враќање на француските државјани кои се наоѓаа на брод за помош, пресретнат од израелските сили.
Бродот со 12 активисти, меѓу кои и француски пратеник, беше пресретнат на пат кон Газа и однесен во израелско пристаниште. Активистите протестираа против израелската воена офанзива и ограничувањата за хуманитарна помош.
Макрон повторно повика на прекин на огнот и укинување на хуманитарната блокада, велејќи: „Она што се случува од почетокот на март е срамно.“. Тој истакна дека разговарал со американскиот претседател Доналд Трамп и емирот на Катар, Тамим бин Хамад Ал Тани, за дополнителни напори што ќе доведат до прекин на огнот, ослободување на заложниците и обезбедување работа на агенциите на ОН во Газа.
