Во Белград денеска ќе се одржи студентски протест, а највисоките државни функционери апелираа собирот да се одвива мирно и без инциденти.
Поставена е ограда околу зградата на Народното собрание каде што треба да се одржи протестот.
Сообраќајот во моментов се одвива непречено, а во градот е мирно.
Синоќа, по неколкудневно пешачење од другите градови, студентите и активистите пристигнаа во Белград за да учествуваат на протестот. Граѓаните на Белград и студентите од главниот град им организираа пречек и добредојде на Теразије. На булеварот каде пристигнуваа симболично беше поставен црвен тепих, извести Телма од Белград каде е нашата новинарска екипа составена од Огнен Чанчаревиќ и Зоран Трајковски.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.