Годишната инфлација е 5% во февруари, објави Државниот завод за статистика. Со ова продолжи растот на инфлацијата во последните неколку месеци. Цените во однос на јануари 2025-та се зголемиле за половина процент (0,5%).
Најголемо поскапување на месечно ниво има во категоријата храна и безалкохолни производи (месечно покачување од 1,4% и годишно од 6,6%). На годишно ниво највисоко покачување имаат цените во рестораните и хотелите, +12,2% (на месечно ниво, февруари во однос на јануари, покачувањето е 0,6%).
Најголемо покачување,на годишно ниво, од 19,2% е забележано за кафе, чај и какао. „Млеко, сирење и јајца“ поскапеле за 8,1% додека зеленчукот е на ниво од поскапување од 8,7%. Зејтинот и маслата се покачиле за 13,1%, месото за 6,5%, а овошјето за 4,5%.
Единствени прехранбен производ кои поевтинеле се рибата и морските плодови со -1%.
На месечно ниво, од храната, најголем процент на поскапување е забележан за месо од 2,4% и овошје од 2,1%.
Иако на месечно ниво е забележан минимален -0,1% пад на цените на хотелските односно цените за сместување, на годишно ниво (февруари 2025-та во однос на февруари 2024-та) е забележан раст од 36,9% или повеќе од третина поскапо.
Угостителските услуги на месечно ниво се покачиле за 0,8% додека на годишно ниво за 7,5%.