Голден Стејт изгледа како нов тим со пристигнувањето на Џими Батлер, па Вориорс го победија Далас со 126-102. Со Батлер во составот Голден Стејт има пет победи и еден пораз, а поранешна ѕвезда на Мајами имаше 18 поени. Најефикасен беше Стеф Кари со 30 поени за домашниот тим. Пи Џеј Вашингтон и Кајри Ирвинг со по 17 поени најмногу се истакнаа кај Маверикс.
Шампионот Бостон славеше против Њујорк со 118-105, најдобриот тим на Истокот, Кливленд го победи второпласираниот состав на Западот, Мемфис со 129-123, а Оклахома се радуваше на гостувањето кај Минесота со 123-130.
Атланта и Детроит одиграа неверојатно ефикасен натпревар што заврши со победа на гостите од 143-148. Тајлер Хиро постигна 40 поени за Мајами, но Хит загуби на гостувањето кај Милвоки со 120-113, а утринава победи остварија и Њу Орлеанс, Торонто, Орландо и Индијана.
