Јапонскиот суд осуди на 10 годишна затворска казна атентаторот на поранешниот премиер Фумио Кишида за време на предизборната кампања во 2023-та година.
Објавувајќи ја пресудата за Рјуџи Кимура, Окружниот суд Вакајама не прецизираше за кое од петте обвиненија е прогласен за виновен.
Кимура (25) беше обвинет за обид за убиство за нападот на Кишида на 15 април 2023 година на мало рибарско пристаниште во западниот Јапонски град Вакајама. Освен тоа, тој се соочува и со четири други обвиненија, вклучително и кршење на законите за експлозиви и друго оружје.
Кимура, на отворањето на судењето во февруари, се изјасни за невин за обидот за убиството, велејќи дека немал намера да го убие Кишида. Премиерот не бил повреден, но две лица се здобиле со полесни повреди.
Целиот настан се случило околу една година по атентатот на поранешниот премиер Шинзо Абе за време на предизборниот говор во Нара, друг град во западна Јапонија.