Предлогот за разрешување на државниот обвинител, напишан во министерството за правда, денеска ќе се разгледува на владина седница, па дури потоа ќе патува кон Советот на јавни обвинители.
Потоа советот во рок од 15 дена ќе закаже седница на која ќе одлучува какво мислење ќе даде, но министерот за правда веќе се изјасни дека и со негативно мислење, процедурата за разршеување ќе продолжи во Собранието кое го има последниот збор.
Од владата пак порачаа дека ќе продолжат да преземаме активности кои се во насока на подобрување на функционирањето на правосудниот систем, довербата на граѓаните е сериозно нарушена и затоа велат дека се силно посветени конечно да владее правото и да имаме правна држава.
Членовите на Советот пред себе ќе ги имаат образложени причини поради кои Владата сака да го разреши Коцевски.
Дали деталите ќе дојдат и до јавноста, за сега е неизвесно.