Собранието на Македонија ги изгласа измените и дополнувањата на Законот за работни односи. Со новите измени, лицата избрани или именувани од надлежен орган можат да ја продолжат својата функција и по исполнување на условите за старосна пензија, но најмногу до 67 години.
Овие промени се предложени од пратеници на ВМРО-ДПМНЕ, со цел да се реши проблемот со дефицитот на судии и јавни обвинители, што би довело до поголема ефикасност во судските процеси и подобар пристап до правда.
Опозицијата пак, смета дека предлогот е противуставен и го нарушува начелото на еднаквост. Според нив, продолжувањето на функцијата по пензионирањето создава несоодветни правни нееднаквости и отвора можност за злоупотреба на позициите на власта.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.