Министерот за локална самоуправа е сигурен дека идниот градоначалник на Скопје ќе биде од неговата партија, но не открива дали тој ќе биде кандидат. Повтори дека следи партиска анкета, но дека последниот збор ќе го има партискиот лидер.
Министерот, кој не ја крие амбицијата за оваа градоначалничка позиција, во меѓувреме работи и на измени на Законот за локална самоуправа со кои се планира отповикување на градоначалници.
На третата презентација, организирана во Гостивар, беше потенцирано дека мал број на градоначалници до сега се однесувале девијантно, но новите измени ќе бидат креирани да ги спречат злоупотребите.
Домаќинот на настанот, в.д градоначалникот на Гостивар, го поддржува планираниот механизам.
Трите основни предложени измени во законот се референдумска можност за отповикување на градоначалник кој постапува несовесно или не ја извршува функцијата, воведување на комунални редари и поголема вклученост на граѓанскиот сектор при носењето на решенија.
Далиборка Демјанска Цветановска