Обилниот дожд предизвика поплави во делови од Англија, а поради снегот привремено се затворени аеродромите во Манчестер и Ливерпул, северозападна Англија и во Абердин, североисточна Шкотска
Изминатите денови беа издадени над 200 предупредувања за опасност од поплави по излевање на дел од реките.
Неколку железнички линии и главни патишта, исто така, беа затворени поради влажни и замрзнати површини, додека снегот и мразот предизвикаа прекини во северна Англија и Шкотска.
Од понеделникот десетици луѓе се спасени од поплавените домови и заглавени автомобили во Мидлендс, а стотици училишта се затворени во северните региони на Велика Британија.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.