Русија во текот на ноќта и утринава изврши големи напади врз Украина со крстосувачки ракети од стратешки бомбардери, а нешто подоцна следеше и напад со дронови-камикази, соопштија украинските власти.
Според податоците на украинските воздухопловни сили, нападите биле извршени од шест бомбардери кои полетале кон Украина.
Во Киев утринава се слушнаа експлозии откако украинските воздухопловни сили ја ставија целата земја под тревога за воздушен напад по лансирањето руски ракети.
Во првиот ракетен бараж по повеќе од два месеци, Русија употреби и балистички ракети, соопшти украинската војска.
– Експлозии во градот. Силите за воздушна одбрана оперираат. Останете во засолништа, објави градската управа на Киев на Телеграм
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.