Тешка сообраќајна несреќа во која автомобил „БМВ“ излета од булеварот „Гоце Делчев“ и се заби во страничниот ѕид покрај пешачката патека крај коловозот, се случи попладнево под Скопското Кале, во близина на плоштадот „Скендербег“.
На местото на несреќата велат дека автомобилот прво изгубил контрола и се качил на пешачката патека над булеварот, по што повторно се излизгал и паднал на коловозот. Возило на итната медицинска помош го пренело возачот на автомобилот, кое излетало и удрило во сообраќаен знак на булеварот „Гоце Делчев“.
Сообраќајната несреќа предизвика метеж во овој дел од градот, бидејќи сообраќајот на булеварот се одвиваше по една лента додека траеше увидот.
Според информациите од МВР, повреден е само возачот на автомобилот.
„На 18.10.2024 во 16:40 часот во СВР Скопје е пријавена сообраќајна незгода на бул.Гоце Делчев во Скопје во која учествувале патничко возило ‘бе-ем-ве’ со скопски регистарски таблички, управувано од Ф.Л. (24) и мопед ‘пиаџо’ управуван од М.С. (19), по што возилото ‘бе-ем-ве’ удрило во столб. Со телесни повреди се здобил Ф.Л.“, се вели во полициското соопштение.