Палестинските здравствени власти го пријавија првиот случај на детска парализа кај невакцинирано 10-месечно дете во градот Деир ал-Балах во Газа, малата енклава која е зафатена од војната меѓу Израел и Хамас.
Примероци за испитување биле испратени во главниот град на Јордан, Аман каде здравствените потврдија дека станува збор за ова заболување.
Потенцијално фаталната, парализирачка болест најмногу ги погодува децата на возраст под 5 години и обично се шири преку загадена вода.
Пакистан и Авганистан се единствените земји каде ширењето на детската парализа никогаш не било запрено.
Здравствените и детските агенции на ОН повикаа на седумдневни паузи во борбите, почнувајќи од крајот на август, за да се вакцинираат 640.000 палестински деца.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.