Француската железничка компанија СНЦФ соопшти дека серијата на инциденти што се случија во ноќта меѓу четвртокот и петокот влијаеја и сè уште влијаат на патувањата кон Лондон и назад, во Белгија и преку западот, северот и истокот на земјата. Францускиот премиер Габриел Атал изјави дека вандалите стратешки ги одбрале главните рути кон Париз, пренесува АП.
Железничкот оператор „Евростар“, кој нуди меѓународни услуги од лондонски Сент Панкрас соопшти дека секој четврти воз нема да сообраќа за време на викендот.
Четири возови од Лондон за Париз се откажани за денеска, што влијаеше на илјадници. Се очекува дека прекинот ќе трае до понеделник. Патниците се советуваат да го одложат нивните патувања, каде што можно такво нешто.
Само неколку места беа достапни за резервација на останатите линии на „Евростар“ од Лондон до Париз за денеска, додека билетите за ноќните автобуси кои утре претпладне ќе стигнат во француската престолнина се продаваа по 197 фунти преку „Фликсбас“.
Сообраќајот на француската мрежа на брзи железници се очекува во понеделник, изјави министерот за сообраќај на земјата домаќин на ОИ, Патрис Вержие, по саботажата на сигналните станици и кабли.