Се степале татко и син, едниот транспортиран во болница во Скопје – семејна физичка пресметка во Куманово

Физичка пресметка меѓу татко и син претпладнево во кумановската населба „Иго Тричковиќ“, соопшти СВР Куманово.

„Денеска 10:40 часот во СВР Куманово било пријавено дека во населбата „Иго Тричковиќ“ бил нарушен јавниот ред и мир со физичка пресметка помеѓу татко и син, во која бил употребен и остар предмет. Двајцата со повреди биле пренесени во општа болница Куманово“, информира СВР Куманово.

Полициските службеници се на терен и се преземаат мерки за расчистување на случајот. Од кумановската болница информираат дека едниот од повредените поради сериозноста на повредите е транспортиран на една од скопските клиники.