„Форд Џип“ со италијански ознаки стои изрешетан на улица, хеликоптер го надлетува скопско Батинци, a специјалци на терен откако утринава се случи вооружен напад со автоматско оружје каде едно лице загина, а друго беше рането. Загинатиот е 34-годишник, додека повредениот е неговиот помал брат. Престрелката е пријавена во 09 часот и 25 минути во СВР Скопје.
Жители на Батинци за Телма тврдат дека синоќа меѓу 1 и 2 часот слушнале истрели од оружје во селото и не исклучуваат поврзаност со конкретниот инцидент. Жртвите во пукањето се жители на селото Црн врв. На местото на престрелката 34 годишникот веднаш им подлегнал на повредите, здравствената состојба на повредениот за сега е непозната.
Ова не е прв пат во скопско Батинци да има престрелка. Пред четири години, група од неколкумина предводена од повратник од Италија кој и е познат на полицијата нападна друга група која седела во чајџилницата. Еден мртов, тројца повредени и еден во бегство беше билансот од пукањето во селото Црн Врв.
Симона Петровска