Цената на белиот леб се вивна, не е исклучено да поскапуваат и останатите прехранбени производи. Од индустријата мерат, премеруваат и заклучокот е дека многу фактори влијаат за повисоките цени. Од недостиг на работа рака, па до изнудена како што велат минимална плата без покритие за зголемена продуктивност и многу други надворешни фактори зошто производите од брашна ќе стануваат се поскапи во иднина.
Но, она што создава револт кај пекарите е изјавата на првиот човек на регулаторна според кого поскапувањето на белиот леб не може да се поврзе со најавите за повисока цена на домашното производство на струја.
„Откако пекарската индустрија објави за 10 отсто повисока цена на лебот, заради скок на цената на регулираниот пазар на струја, Марко Бислимовски од РКЕ, и порача на оваа индустрија да не се правда со струјата од домашно потекло со оглед дека голем дел од фирмите/пекарите се на слободниот пазар. Но, струјата е еден од факторите за скок на цените. Ќе јадеме ли изгор скапи производи од брашно, одговорот лежи и во односите меѓу земјите во Европа, војната во Украина, државните политики, но и отсутство на ресурсот житно зрно кое се помалку го има на берзите“, изјави Горан Георгиевски од пекарската индустрија.
Павле Беловски