Полицијата го фати разбојникот кој со пиштол и среде пладне пред десетина дена ограби во “Скопјанка” во Аеродром.
-Денеска (15.06.2024) во 13.45 часот полициски службеници од Единицата за интервентна полиција при СВР Скопје го лишија од слобода М.К. (31) од Скопје поради основано сомнение дека на 04.06.2024 во 11.50 часот извршил кривично дело разбојништво односно со закана со пиштол кон вработените во експозитура на банка во Скопје, одзел пари, соопшти МВР.
Најдени се и парите кои ги украл, околу 40 илјади евра во различни валути, а обвинителство отвори истрага за “Разбојништво” од член 237 став 4 во врска со став 1 од Кривичниот законик.
-На 4 јуни, осомничениот влегол во филијала на банка на улицата “Бојмија” во Скопје и со сериозна закана и употреба на огнено оружје – пиштол, загрозувајќи го животот и телото на двајца вработени во банката, одзел 2.628.901,55 денари со намера противправно да ги присвои. Веднаш побегнал од местото. По неговото пронаоѓање и лишување од слобода, пронајдени се и парите и тие се вратени на банката, соопштија од скопското обвинителство.
Од полицијата информираат дека за уапсениот М.К. е поднесена кривична пријава по брза постапка, по што од страна на надлежен судија му е одреден притвор од 30 дена.
Мажот ја тепал и давел осомничената за двојното убиство во Кратово, соопшти обвинителството