Еврокомесарот Јоханес Хан ја повика новата влада на Северна Македонија, да го почитуваат Договорот од Преспа и да работат на европската перспектива на секоја земја, но и да им помогнат на соседните земји.
-Што се однесува до случајот со Северна Македонија, тоа ме загрижува. Можеме само да ги повикаме сите страни, вклучително, особено новата влада на Северна Македонија, да се држат до Договорот од Преспа и да работат на европската перспектива на секоја земја, но и да им помогнат на соседните земји, истакна еврокомесарот на прес конференција во Брисел одговарајќи на новинарско прашање.
Тој рече дека верува дека ако се направи одржлив чекор напред, во случајот со Северна Македонија, тоа ќе има влијание врз целиот регион, на пример на разговорите меѓу Србија и Косово, кои треба повторно да се активираат со новата Комисија.