Четврт меѓународен транспорт за лекување беше спроведен утрово на 8 – годишно девојче од Охрид кое боледува од сколиоза. По долго конзервативно лекување во Охридската болница и клиничкиот центар Мајка Тереза, комплексноста на болеста била главна причина за истата интервенција да се изврши во Турција.
Осум годишната пациентка со медицински хеликоптер беше пренесена утрово во 6:30 часот од Скопје до Истанбул каде ќе се изврши операција во специјализирана болница за таква патологија.
За време на летот пациентката ја придружуваа и тим од лекари а со неа бидејќи е малолетна патува и нејзината мајка.
Меѓународниот транспорт е успешно извршен. На осум годишната пациентка ќе се изврши операција која би траела околу 4 часа по што ќе следува рехабилитација. Се очекува да остане во Турција од две недели до еден месец.
Семејството на девојчето ќе го покрие финасискиот дел околу лекувањето. Пациентката боледува од сколиоза – медицинска состојба каде доаќа до искривување на рбетниот столб.
Марија Коцева