Вести Свет

Норвешка му го предаде документот за признавање на палестинскиот премиер

Норвешка му ги предаде документите на палестинскиот премиер што е последниот чекор кон признавање на палестинската држава, во голема мера симболичен потег што го налути Израел.

Во документот се наведува дека признавањето ќе стапи на сила на 28 мај 2024 година.

Минатата среда, Ирска и Шпанија дадоа ветување со Норвешка да ја признаат палестинската држава, историски потег што доаѓа во време на понатамошни дејства што ја зголемија изолацијата на Израел по повеќе од седум месеци од неговата жестока војна против Хамас во Газа.

Примопредавањето на документите на норвешкиот министер за надворешни работи Еспен Барт Еиде на палестинскиот премиерот беше извршено во Брисел, каде што Мохамад Мустафа, исто така, во понеделник ќе се состане со министрите за надворешни работи на земјите од Европската унија и со високи претставници на ЕУ за да ја поддржи Палестинците.

Дипломатскиот потег на трите нации беше добредојден поттик за поддршката за палестинските функционери кои со децении се обидуваа да воспостават државност во источен Ерусалим, Западниот Брег и Појасот Газа – територии што Израел ги зазеде во војната на Блискиот Исток во 1967 година и сè уште ги контролира.

Околу 140 земји – повеќе од две третини од Обединетите нации – ја признаваат палестинската држава, но мнозинството од 27-те земји на ЕУ сè уште не ја признавале, но неколку тврдат дека ќе го признаат тоа штом ќе се создадат условите.

ЕУ, САД и Велика Британија, меѓу другите, ја поддржуваат идејата за независна палестинска држава заедно со Израел, но велат дека таа треба да дојде како дел од договореното решение.

Денешното на документите дојде само два дена откако Врховниот суд на Обединетите нации му нареди на Израел веднаш да ја прекине својата воена офанзива во градот Рафах во јужниот дел на Газа, како најнов потег да се направи поголем притисок врз се поизолираната земја.

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

По координацијата со пратеничките групи се очекува да продолжи седницата за избор на новата влада

Дејан Дејан

Германските политичари влегоа во спор за репатријација на невработени Украинци

Дејан Дејан

Бројот на Египќани кои починаа за време на аџилакот во Саудиска Арабија се искачи на 672

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе