Ирска и Норвешка најавија дека денеска ќе ја признаат палестинската држава, изјави неименуван извор за Ројтерс.
Владата во Даблин синоќа најави прес-конференција на премиерот и на министерот за надворешни работи за текот на денешниот ден, без да наведе што ќе биде тема.
И владата во Осло соопшти дека скандинавската земја ќе признае независна палестинска држава, објави јавниот сервис НРК и дневниот весник Афтенпостен.
Членките на ЕУ – Словенија, Малта и Шпанија во изминатиот период најавија оти планираат да признаат палестинска држава, наведувајќи дека решението за воспоставување на две држави е од суштинско значење за траен мир на Блискиот исток.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.