Возејќи велосипед, удрила во пешак на „Паризанска“ – тешко повредена 21-годишна Кумановка

Дваесет и едногодишна девојка од Куманово, вчера возејќи велосипед на булеварот „Партизански одреди“, удрила во пешак, пришто се здобила со тешки телесни повреди, а со повреди се здобил и четириесет и петгодишниот С.Ш. од Арачиново.

„Вчера во 08:50 часот во СВР Скопје било пријавено дека на бул. „Партизански одреди“ во Скопје, велосипед управуван од Т.З. (21) од Куманово удрил во пешакот С.Ш. (45) од с. Арачиново, скопско. Во несреќата со тешки телесни повреди се здобила велосипедистката, а со телесни повреди се здобил пешакот, констатирани во Градската општа болница „Св.Наум Охридски“, информираат од МВР.