Носител на листа во Изборната единица 5 и неколку високи позиции во рамките на кандидатските листи на Коалицијата „Вреди“. Крилото на Алијансата за Албанците под раководство на претседателскиот кандидат Арбен Таравари на денешниот состанок на Централното Собрание ги прецизираше дел од имињата кои ќе се најдат на листите во рамките на Коалицијата „Вреди“ а дел ќе се утврдат до крајот на денот.
Она што е познато е дека во петата изборна единица носител на листата на Коалицијата „Вреди“ ќе биде предлогот на Таравари, стружанецот Салим Сулејмани, во втората изборна единица ќе биде коносител на листата Ријад Шаќири а актуелниот пратеник Халил Снопче ќе биде на четвртото место во изборната единица шест.
За неколку позиции, крилото на Алијанса предводено од Таравари ќе има заеднички кандидат со „Демократско движење“ на Изет Меџити.
Таравари потврди дека коалицијата „Вреди“ ќе има кандидатски листи во третата и четвртата изборна единица а Алијанса ќе настапи во листите со непартиски но истакнати лица. За разлика од останатите изборни единици, носителите тука сеуште не се прецизирани во рамките на коалицијата.
Околу расколот во партијата и разидувањето со Села во отворениот дел на состанокот не стана збор а сеуште трае судскиот процес околу партискиот печат кој во моментов се наоѓа кај претседателот на партијата Таравари.
Огнен Чанчаревиќ