Корнелија Хитер стигна до малиот кристален глобус во спуст откако денеска триумфираше на последната сезонска трка во оваа дисциплина пред домашните фанови во Залбах.
Скијачката од Австрија оствари време од 1 минута, 45 секунди и 8 стотинки и победи пред Словенката Илка Штухец, која задоцни 17 стотинки. Трета беше Никол Делаџо од Италија.
Со оваа победа, Хитер ја обезбеди титулата во спуст со 397 бодови пред Лара Гут-Бехрами, која денеска заврши на 17-тото место, па остана на втората позиција со 369 бодови. Сепак Швајцарката освен Големиот кристален глобус сезонава ги освои и титулите во супер велеслалом и велеслалом, додека Микаела Шифрин беше шампионка во слалом.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.