Земјотрес со јачина од 5,4 степени според Рихтеровата скала утрово е регистриран во Црна Гора во 04:06 часот по локално време, објави Црногорскиот завод за хидрологија и сеизмологија.
Епицентарот на земјотресот бил на 75 километри северозападно од Подгорица и на 32 километри северозападно од Никшиќ. Нема информации за повредени и штети. Покрај во Црна Гора, земјотресот е почувствуван и во Хрватска, БиХ и Србија.
Земјотресот е регистриран на длабочина од 10 километри. Жителите на Црна Гора споделуваат искуства за силата на потресот кој ги разбудил, а некои од нив излегле од домовите.
Инаку, земјотресот во Црна Гора е почувствуван и во делови од Македонија, во крајниот северозападен дел на државата.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.