Силјановска Давкова во ВИН ВИН: Не поради уставните измени ќе добиеме вето поради непочитување на Копенхашките критериуми

Важно е! Лидерство што носи промени, ова е слоганот на конвенцијата на која Гордана Силјановска Давкова по вторпат доби претседателска номинација. Какви промени, кој е вистинскиот пат, како да сопрат поделбите, што може да направи претседателот на Републиката? За женската димензија, критиките за албанофобичност, русофилство и изолација вечерва во Вин-Вин интервју со Гордана Силјановска Давкова.

• Во ЕУ ќе бидеме почитувани и рамноправни ако сме построени и уредени според Копенхашките критериуми. Ако имаме независното судство, ако се почитуваат правата и слободите, ако имаме европско образование, а не факултети кои се „фабрики за хартија“, па  имаме повеќе доктори на науки по глава на жител од Британија, рече Гордана Силјановска Давкова, која е поддржана од ВМРО – ДПМНЕ за претседателски кандидат.

Според неа истовремено менувајќи ги работите и европеизирајќи се ние ќе наидеме на подобар однос и подобар одговор. Таа смета дека ова со уставните измени „апсолутно не држи“, и дека ЕУ ќе ни стави вето и „ќе добиеме не знам колку вета поради непочитување Копенхашките критериуми.