„Одделот за финансии на САД означи две лица и пет ентитети поврзани со конзорциумот Интелекса, меѓу кои и компанијата Сајтрокс АД, со седиште во Северна Македонија, за нивната улога во развојот, работењето и дистрибуцијата на комерцијална технологија за шпионски софтвер што се користи за таргетирање Американци, вклучително и државни службеници на САД, новинари и експерти за политика“, известуваат од Гласот на Америка.
САД лани ја ставија македонската компанија Сајтрокс на црната листа. На американските компании им забранија да работат со неа бидејќи била опасна и за безбедноста и за интересите на надворешната политика на официјален Вашингтон.
Компанијата во 2023 година беше додадена на списокот на ентитети на Одделот за трговија, за трговија со сајберексплоатации.
