Мнозинството членови на Судскиот совет ја отфрли иницијатива на нивниот колега од Советот Миљазим Мустафа за разрешување на Беса Адеми, врховна судијка и претседател на Врховниот Суд.
Со 7 гласови за отфрлање и 4 гласа против односно за разрешување на Адеми, Советот одлучи да не ја прифати иницијатива, со што Беса Адеми останува на позицијата-претседател на Врховен суд.
Членот на Советот Мустафа ја поднесе иницијативата поради нејзино недоаѓање на седниците на Судскиот совет (по функција, претседателот на Врховниот суд е член на Судскиот совет) како и отсуството по повикот од Советот, Адеми да каже од каде доаѓаат политичките притисоци врз Врховниот суд за да се прифати и легализира амнестијата на Ѓорге Иванов (таа го оправда отсуството).
Одлуката на членовите на Судскиот совет се случува откако Управниот суд ја врати на позицијата претседател на Судскиот Совет, Весна Дамева, која според судската одлука била незаконски разрешена.
Исто така вчера, средба со Дамева и поддршка на независен Судски совет дадоа евро амбасадорот Гир и холандскиот амбасадор Коп. Но, најсериозното спомнување на случајот со Беса Адеми и политичките притисоци врз судството беа потенцирани на средбата меѓу амбасадорот Коп и лидерот на ДУИ Али Ахмети.