Претседателот Стево Пендаровски го одликува актерот Гоце Тодоровски со Орден за заслуги за Република Северна Македонија.
„Бард на македонското глумиште и еден од нашите најпочитувани и најпознати актери со извонредна кариера и богата биографија. Препознатлив по ведрината и енергичноста на сцената, но и по неговиот високо професионален однос кон работата“, напиша Пендаровски на Фејсбук.
Тодоровски е еден од шесте добитници на Орден за заслуги. Пендаровски му го врачи заслужениот орден на еден од најпознатите и најпочитувани македонски актери во болницата во која Тодоровски здравствено се опоравува.