Во моментот на сила се повеќе од 4 закони, според кои вработените во јавниот сектор добиваат надополнување на платите. Ова го кажаа од Синкатот на УПОЗ на денешниот, трет ден протест пред Уставен, по вчерашната изјава на претседателката на овој суд, Добрила Кацарска, дека на вработените во Министерството за финансии, Бирото за јавни набавки и Управата за имотно правни работи, им се замрзнати надополнувањата на платите за 30% зашто тоа било направено незаконски, со примена на стар закон. Претседателот на УПОЗ го повика и министерот за финансии, Бесими, да не ги заплашува вработените во Финансии, дека е кривично дело ако поради незадоволството од намалените потпросечни плати го затворат Трезорот и го покани да седнат и да го потпишат новиот колективен договор на ниво на работодавец за да остане додатокот од 30%. Подршка на протестите дадоа и од ССМ.
