Ние не дигаме бело знаме, вршиме константен притисок, иако само последниот месец се одбиени три, според мене, клучни амандмани во собранието, кои што „О2 Иницијатива“ ги поднесе конкретно за Дрисла, истакна Ели Пешева од „О2 Иницијатива“ во вечерашната „Топ тема“ на ТВ Телма.
„Тие беа за прочистителни станици за отпадни води, постројка за секундарна селекција на отпад и депониски гас. Пратениците во комисијата, исто така, гласаа против и она што е најстрашно е што дел од тие пратеници на интерпарламентарната зелена група со која заедно работиме на тие планови, менување на законските акти, амандмани, итн. Она што го бараме ние како граѓанско здружение е издвојување на поголем буџет за да може да се затвораат тие проблеми, еден по еден. Но, еве во декември можеме да констатираме дека ги дишеме едни од најзагадените состојки во воздухот“, изјави Пешева.