Шпанскиот амбасадор Хозе Луис Лозано Гарсија во неделното интервју за РСЕ, вели дека ја поддржуваат земјава да се интегрира во ЕУ, но можни се и други пречки во преговарачкиот процес.
Тој не ја исклучува можноста дека во процесот може да се отворат и други барања од други земји членки, од кои зависи одржувањето на Втората меѓувладина конференција.
За проширувањето, амбасадорот вели дека е важно дали ЕУ е подготвена, но и земјите дали се подготвени.
Дали чашата е полуполна или полупразна, зависи дали си власт или опозиција, рече амбасадорот за извештајот на ЕК за Македонија.
Тој спомена дека се важни и реформите.
Назад во јули 2022 година, заклучоците беа усвоени врз основа на Договорот за пријателство и ова е дел од процес. А тој процес можам да кажам со задоволство дека преговорите беа отворени во јули 2022 година. За да продолжат постои јасен услов, а тоа е промена на Уставот и има потреба од тоа. Дали тоа ќе значи крај на пречките? Не сакам да пратам песимистичка порака, напротив. Она што ние го кажуваме, но и другите ЕУ инстанци, од земјите членки е дека кога сте во процесот, за да се свика Втората меѓувладина конференција, треба да го исполните тој услов, односно да се усвојат уставните измени и тогаш работите ќе добијат друга насока. Можеби ќе има други услови и барања од други земји, но на крајот работите ќе добијат друга димензија и важност. Но можеби ќе има многу други пречки, вели амбасадорот на Шпанија.