Вести Македонија

Изолиран инцидент, но трговскиот ќе работи нормално: Соопштение на Ист Гејт Мол по новиот напад врз Раде Штекли кој заврши со двајца ранети во гаражите на молот

-Во врска со инцидентот кој се случи денес во трговскиот центар Ист Гејт Мол во 15 часот, би сакале да ја информираме јавноста дека трговскиот центар, по обезбедување на сите потребни безбедносни мерки продолжува со нормална работа по обезбедени мерки за тековна оператива, соопштија од Ист Гејт Мол.

Според нив, „се работи за изолиран инцидент, лоциран на подземните нивоа во трговскиот центар.“

-Надлежните служби вршат увид во моментов на местото на настанот, но трговскиот центар продолжува со утврдениот нормален режим на работа до 22 часот. Трговскиот центар е обезбеден со соодветно физичко обезбедување и технички системи за безбедност и мониторинг наменети за обезбедување на сигурноста и безбедноста на посетителите, уверуваат од Ист Гејт Мол, откако на иста локација во нивната гаража за два месеци двапати е пукано врз Раде Трајковски Штекли.

Во денешниот инцидент ранети се две лица, Штекли и неговиот сопатник. Потешко повредениот е префрлен на Клинички Центар. Полесно повредениот е на операција во Хирушката болница Наум  Охридски.

Трајковски беше спомнуван за време на истрагата за убиството на Мартин Јанушев на крајот на 2017-та, но по бегството беше екстрадиран од Србија, одлежа 6-месечна затворска казна за друго дело и не беше осомничен во истрагата за убиството на младиот Јанушев, кој бил поранешен фудбалер.

Раде-Штекли беше уапсен во 2011-та во Атина по италијанска потерница под сомнение дека заедно со уште неколку македонци, како и нивни партнери од Балканот учествувале во мрежата за местење на натпревари во италијанските фудбалски лиги. Беше екстрадиран во Италија, а по завршените процедури и одлежаниот притвор беше депортиран од Италија.

Првично: Повторно пукано врз Раде Трајковски-Штекли во Ист Гејт Мол, тој е ранет, а тешки повреди има и негов сопатник

 

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

Гори кај касарната во Ѓорче Петров, запалени куќи во Орман и во Волково – до 18 часот се евидентирани 25 пожари

Дејан Дејан

ОЈО ги испитува причините за настанување на пожарот во Визбегово

Дејан Дејан

Блокада на влезот во Битола

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе