Израел се согласил за помошта за Газа да влезе од Египет – Бајден се договорил со Нетанјаху

Американскиот претседател Џо Бајден рече дека Израел се сложил за хуманитарната помош да мине од Египет во Газа, предупредувајќи дека секој обид на Хамас за кражба ќе значи дека „не се грижи за доброто на палестинскиот народ“.

„Денеска побарав од израелската влада, со која се сретнав претпладнево, да се согласи за испорака на хуманитарна помош за спас на цивилите во Газа, врз основа на разбирање дека ќе има инспекции и оти помошта треба да заврши за цивилите, а не кај Хамас“, рече Бајден.