По долго боледување, вчера во Скопје почина проф. д-р Зоран Сулејманов, поранешен судија на Уставниот суд.
Тој е роден во Битола во 1953 година. Основно училиште и гимназија заврши во Ресен. Во 1976 година дипломира на Правниот факултет при Универзитетот „Свети Кирил и Методиј“ во Скопје, каде што докторира во 1990 година.
Од 31 мај во 2003 година до 31 мај во 2012 година беше судија во Уставниот суд. Во 2013 година беше избран за член на Советот на јавни обвинители.
Погребот на проф. д-р Сулејманов беше извршен вчера на градските гробишта Бутел во Скопје.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.