Денеска во скопска апелација се одржуваше јавна седница за предметот „Титаник 2“ против Сашо Мијалков, Мендух Тачи и екс членовите на ДИК. Но овој предмет не е засегнат од последните измени од Кривичниот законик.
Обвинението и двете постапки се водеа за делото злоупотреба на службената положба за сите освен за Мијалков но, во завршните зборови во повторената постапка обвинителството го преквалификуваше во делото за повреда на изборачкото право кое застарува подоцна.
Екс директорот на УБК, Мијалков, одговара за „Примање награда за против законито влијание“ и нему гонењето му застаре уште во март годинава па неговиот адвокат Шврговски побара судот да констатира апсолутна застареност и да донесе одбивателна пресуда.
Другите обвинети и адвокати ја анализираа и напаѓаа првостепената пресуда и очекуваат Апелација која еднаш веќе ја укина пресудата на кривичен овој пат да донесе ослободителна пресуда.
Бидејки по втор пат предметот доаѓа пред второстепениот суд, апелациските судии не можат да го вратат назад во Кривичен. Можат да ја потврдат или преиначат првостепенатa пресуда.
Елена Ивановска Мукоска