Над 50 куршуми биле испукани кон возилото во кое се наоѓале шесттемина убиени во мафијашката ликвидација вчера попладне во атинското предградие Артемида во источниот дел на градот, а според грчките медиуми жртвите веројатно се турски државјани.
Според истите информации, во возилото биле пронајдени француски фалсификувани документи со турски имиња, а фалсификувани се и германските регистарски таблици на автомобилот.
Сѐ поизвесно е дека станува збор за расчистување сметки, а медиумите во Грција коментираат дека досега во земјата немало вакво убиство со толку многу жртви.
Во тек е потрага на грчката полиција по сторителите на убиството.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.