Штипската „Пастрмајлијада“ на 22 и 23 септември ќе се одржи по 15 пат. На промоцијата на познатиот брендиран кулинарски бренд ќе настапат македонски, но и балкански ѕвезди.
„Вкупниот буџет со кој што ќе ја анимираме штипската публика, но и посетителите од страна, за промоција на штипската пастрмајлија на најдобар можен начин е 2,5 милиони денари, средства кои што се обезбедени и од буџетот на општината и од спонзорства од општествено одговорни компании“, Иван Јорданов, градоначалник на Штип.
Сè уште не се знае по која ќе цена ќе продава штипската пастрмајлија и колку штандови ќе има. Деталите ќе се утврдат на состанок со угостителите.
„Водејќи се по показателите од претходната година, кои укажуваат дека рејтингот и посетеноста на „Пастрмлијадата“ се покачи на едно повисоко ниво, очекуваме да има повеќе од 30 штандови, односно, угостители кои ќе ги продаваат своите продукти“, вели Александар Арсовски, одговорен за „Пастраајлијада“ од Општина Штип.
На „Пастрамалијадата“ на 22 септември ќе настапи Саша Ковачевиќ, а на 23 септември (сабота), Амадеус бенд, Љубојна и хрватската пеачка Даниела Мартиновиќ. Организаторите најавија дека овој концепт ќе се напушти, наредната година планираат и нова локација.
„Веќе од догодина подготвуваме нов концепт, нова локација, која за граѓаните ќе биде позната од догодина, кога ќе се организираат сите детали за новиот коцепт за одржување на штипска Пастрмалијада“, додава Јорданов.
Штипската „Пастрамајлијада“ носи и добар профит на локалната економија, а за оваа година предвидено е џиновска пастрамајлија и натпревар во брзо јадење.
Викторија Јованова