Шумскиот пожар што го зафати срцето на хавајскиот остров, Мауи, голем дел од историскиот град Лахаин го претвори во пепел. Поради огнената стихија голем број од жителите беа принудени да скокаат во океанот за да избегаат од пламените јазици.
Најмалку 6 лица загинаа, а десетици се повредени.
Пожарите продолжија да горат и вчера попладне, поттикнати од силните ветрови од ураганот Дора додека минуваше јужно од хавајските острови.
Официјалните лица стравуваат дека бројот на загинати може да порасне.
Снимките направени од авион го прикажаа целиот опсег на уништувањето.
Десетици домови и деловни објекти се срамнети со земја. Купишта урнатини лежат натрупани високо покрај брегот, чамците во пристаништето се изгорени, а сив чад се издига од јагленисани дрвја.