Владата на Словенија одлучи да го прогласи понеделник, 14 август, за ден на солидарноста.
Граѓаните ќе добијат слободен ден за да помогнат во санирањето на штетите од поплавите.
Во видеообраќање објавено на Инстаграм, премиерот на Словенија Роберт Голоб рече дека во последните денови има многу иницијативи и предлози од граѓаните во врска со катастрофалните поплави.
Трговско-индустриската комора на Словенија ја критикуваше ваквата одлука, наведувајќи дека денот на солидарноста ќе создаде дополнителни трошоци за компаниите во другите делови на земјата и дека ќе биде подобро наместо слободен ден, владата да нареди дневниот трошок за труд да се донира за помош на ранливите.
Поплавите што ја погодија Словенија на крајот на минатата недела се прогласени за најголема природна катастрофа од независноста.
Две третини од земјата беа уништени, многумина ги загубија своите домови, а шест лица ги загубија животите.