Украинската служба за безбедност денеска соопшти дека привела жена за која верува дека е руски шпион која, според нив, собирала разузнавачки информации за патувањето на претседателот Володимир Зеленски во регионот на Миколаев во јули.
Според украинската служба, жената се обидела да го утврди времето и списокот на локации што Зеленски требал да ги посети во регионот. Од таму се сомневаат дека таа подготвувала дури и атентат врз украинскиот претседател.
Службата за безбедност на Украина тврди дека уапсената жена собирала и податоци и за локациите на системите за радио-електронско војување и складиштата за муниција на Вооружените сили на Украина во областа Очакив.
Уапсената жена се соочува со затворска казна до 12 години доколку биле обвинета и прогласена за виновна.
