Престрелка во бар во Приштина – Едно лице е мртво, а над 20 се повредени

Полицијата во Приштина идентификуваше две лица кои доцна синоќа во бар отвориле оган од огнено оружје при што едно лице е мртво а над 20 се повредени.

Убиениот бил на 39 годишна возраст.

Според информациите од истрагата на престрелката и претходела жестока расправија помеѓу неколкумина мажи по што било употребено и огнено оружје.

Меѓу повредените четири лица се здобиле со прострелни рани и се хоспитализирани, останатите меѓу кои голем број жени се здобиле со повреди од искршено стакло.

Полицијата информира дека еден од осомничените и натаму е во бегство.