Голем дел од континентална Европа и натаму се пече во топлотниот бран, достигнувајќи нови темепратурни рекорди. Милиони луѓе бараат оддишка од жештината во блиските езера или мориња. Сепак, медицинските експерти предупредуваат дека капењето може да е опасно ако не се чувствувате добро.
„Луѓето со здравствени проблеми се изложуваат на екстремни топлински услови“, вели експертот за топлина Димитрис Халиотис.
„Затоа имаме толку многу давеници во водите“, додава тој.
Халиотис советува дека луѓето кои земаат лекови – вклучително и за крвен притисок – треба да видат дали нивната доза треба да се промени поради топлината.
„Повеќето од нас ја преценуваме нашата сила. Мислиме дека можеме да си ја дозволиме сета оваа топлина, но понекогаш не можеме.
Хидрирањето е клучно за одржување на ладна глава и избегнување топлотен удар. Препораките се да пиете најмалку 1,5 литри вода дневно.
Како што се зголемуваат температурите, „ќе изгубиме многу течност… и се чувствуваме лошо, вртоглавица и може да ја изгубиме силата“, вели Халиотис.
Тој предупредува дека следната фаза е „најопасниот чекор“, со екстремно губење на течности што предизвикува топлотен удар. Луѓето треба да носат вода и да останат хидрирани – и да повикаат брза помош ако видат дека некој е многу жежок, но воопшто не се поти. Еден од најдобрите начини да го избегнете сонцето е да станете пред да изгрее и да останете внатре кога е највисоко на небото.
Што се однесува до јадењето за време на топлотниот бран, се препорачува да се напуштат трите оброци на ден и да се оди на помали порции, поредовно. А можеби и солена храна затоа што ни помага да ги задржиме течностите во нашето тело.
Неочекувано, но сладоледот со сета содржина на шеќер и маснотии не е решение за да останете ладни, бидејќи телото треба да согорува повеќе калории, генерирајќи повеќе топлина.