Грчката полиција е во интензивна потрага за лоцирање и апсење на напаѓач кој вчера попладне смртно застрела 50-годишен маж од албанско потекло на бензинска пумпа во областа Аналипси, во источен Солун.
Крвавиот инцидент се случи на пладне, околу 12:35 часот, пред очи на многубројни минувачи. Според очевидци, сторителот на делото и жртвата наводно се познавале и кратко време пукањето седеле во ресторан во околината на бензинската пумпа.
Како што може да се види на видео снимката, 50-годишен маж е во вербална расправија со возач на автомобил, кој е паркиран на бензинската. Во еден момент се обидува да го удри низ прозорец на совозачкото седиште, по што од автомобилот беше пукано од огнено оружје.
Жртвата е погодена со најмалку три куршуми во пределот на градите, а нешто подоцна им подлегнала на повредите. Сè уште не се познати причините за убиството додека полицијата интензивно трага за идентификација на сторителот.
— Pluton (@Pluton45873221) July 14, 2023